sru:version: 1.2; sru:query: fcs.rf="mecmua.2_28"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_28"; sru:baseUrl: ; fcs:returnedRecords: 1; fcs:duration: PT0.03S PT0.032S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_28</phrase></query>)];

Nesl[i] anuñ kesilmemiş ḥanūrdur [!]
On sekiz biñ ʿāleme ḥükmi budur
Ḥażret‑i ḥaqq qatında sözi maqbūldür
ʿAbdülqādir gibi sulṭān bulunmaz

ʿĀşıq Dervīş niçe geçer ġurbeti
Üstümüze ḥāżır olsun himmeti
Oġul dėmiş aña Resūl ḥażreti
ʿAbdülqādir gibi sulṭān bulunmaz

[Eşref‑oġlı Rūmī]

velehü ayżan

Elvedāʿ dostlarum cānān ėline giderem
Gel dėmiş dostum baña cānān ėline giderem

Ata vü qardaşlarum gitme dėyü zārī qılur
Qoymazam qulaġuma sulṭān ėline giderem

Ḥācıyam qūrbān [!] içün egnümde iḥrāmum kefen
Baş açıq yalın ayaq cānān ėline giderem

Cennetüñ baqçeleri oldı gözüme çün ʿayān
Cān quşı uçmak diler cānān ėline giderem

Gelmişüz gitmek içün ṣanmañ bunda qalmaq içün
Ḥaqqa vaṣl olmaq içün cānān ėline giderem

Eşref‑oġlı Rūmīyem kim gel dėmiş dostum baña
Cān ėlinden gelmişem cānān ėline giderem

[Faqīhī]

velehü ayżan

remel: fāʿilātün ‑ fāʿilātün ‑ fāʿilātün – fāʿilün

Göñlüme doldur ḫudāyā ʿIşqınuñ sevdāsını
Sür gider cān u göñülden Ġayrĭnüñ sevdāsını